UPPLIFUN

Hótel Fanabe er gott 4 stjörnu hótel á Costa Adeje strandhlutanum, vel staðsett, þar sem útimarkaðurinn á svæðinu er við hliðina á hótelinu og stutt er í verslanir þ.m.t glæsilega verslunartorgið Plaza del Duque. 250-350 m eru niður á Fanabé og Duque strendurnar, þar sem er fjöldi veitingasstaða. Hótelið kemur fólki skemmtilega á óvart, fjölbreytt sameiginleg aðstaða, góð þjónusta og þægilegt viðmót gerir dvöl á Hótel Fanabe vel þess virði að eyða sumarleyfinu sínu.

VISTARVERUR

Á hótelinu eru 413 herbergi á 4 hæðum, sem öll eru með gervihnattasjónvarpi, síma, öryggishólfi og minibar. Öll herbergin eru ágætlega rúmgóð (ca 25-30 fm) og snyrtileg með loftkælingu og svölum sem ýmist snúa inn í sundlaugargarðinn eða eru með útsýni til sjávar eða upp til fjalla. Í herbergjunum eru annaðhvort hjónarúm eða tvö stök rúm, lítill sófi, skrifborð og stólar. Baðherbergin eru stór og fullbúin með hárþurrku og baðkari, þar sem í er sturta.

AÐSTAÐA

Sólbaðsaðstaðan er góð við tvískipta sundlaugina ásamt barnalaug, en báðar eru upphitaðar á veturna. Við laugina eru sólbekkir og sólhlífar án endurgjalds. Tennisvöllur, boltavöllur, mini-golf og leiksvæði fyrir krakka er einnig við sundlaugarsvæðið. Á þaki hótelsins er fín aðstaða til að njóta sólarinnar og útsýnis, ásamt tveimur litlum kerlaugum. Gjafavöruverslun, blaða-og tímaritabúð og hárgreiðslustofa eru við andyri hótelsins ásamt gestamóttökunni sem að sjálfsögðu er opin allan sólarhringinn.

AFÞREYING

Fyrir þá sem vilja halda sér í formi er fjölmargt í boði því á hótelinu er tennisvöllur, boltavöllur, billjard, minigolf og diskótek. Einnig geta gestir farið í líkamsrækt/tækjasal (gegn gjaldi), og eða skellt sér í nudd og gufubað á heilsulind hótelsins.

ALLT INNIFALIÐ

Þeim sem kaupa "allt innifalið" pakkann fá morgunverð, hádegisverð og kvöldverð. Þeir fá einnig snarl á barnum frá kl. 10 á morgnana til 12:30. Þá er einnig innifalið kökur og kaffi frá kl. 15:00 til 18:00 og samlokur frá því að kvöldverði líkur til kl. 23:00. Þá eru öll drykkjarföng innifalin, bæði áfengir innlendir drykkir og óáfengir. "Allt innifalið" þjónustan er í boði alla daga frá kl. 07:30 til kl 23.00

VEITINGASTAÐIR

Aðalveitingastaður hótelsins er hlaðborðsstaður við sundlaugina þar sem ýmist er hægt að borða úti eða inni, morgun-hádegis og eða kvöldmat. Hótel Fanabé er þekkt fyrir góðan mat og fjölbreytni í matargerð. Grill og snakkbar er við sundlaugina og útikaffihús er við aðalinnganginn og gestamóttökuna, þar sem danstónlist og skemmtidagskrá er á kvöldin.

FYRIR BÖRNIN

Krakkaklúbbur og skemmtidagskrá er fyrir yngstu kynslóðina á daginn og á kvöldin er boðið upp á fjölbreytta skemmtidagskrá fyrir börn sem fullorðna.

STAÐSETNING

Hótelið er mjög vel staðsett á Costa Adeje hlutanum, fjarlægð á strönd er 250 metrar og stutt er í alla þjónustu, verslanir og fjölbreytta veitingastaði. Vatnaskemmtigarður er í 1 km fjarlægð og golfvellir í 3 km frá hótelinu. 15 km frá flugvellinum og 80 km frá höfuðborginni Santa Cruz.

ÞG 10.07