Playa de las Americas

Villa Cortes er 5 stjörnu gisting í fyrsta flokki fyrir þá kröfuhörðustu. Hótelið er byggt í fallegum mexíkóskum stíl og tilvalið til þess að slaka á ásamt því að njóta fremstu þæginda og þjónustu sem völ er á. Hótelið er frábærlega staðsett við litla strönd þar sem fallegt útsýni er yfir á La Gomera eyjuna. Fjöldi veitinga- og skemmtistaða í öllum regnbogans litum og alþjóðlegar verslanir með merkjavöru eru allt um kring í hjarta Playa de las Americas. Virkilega fallegur garður með stórri sundlaug með sér barnalaug. Fallegar, íburðamiklar setustofur þar sem reglulega píanó tónlist. 

GISTING 

Val er um einbýli, tvíbýli og svítur fyrir þá allra kröfuhörðustu. Herbergin eru vel útbúin, íburðarmikil og rúmgóð, innréttuð í mexíkóskum stíl. Glæsileg húsgögn í hefðarstíl eru í herbergjunum, stórt rúm, sófi, borð, skrifborð og skápur. Fullbúið lúxus með baði, sturtu og hárþurrku. Sloppur og inniskór á herbergjum. Herbergin eru loftkæld með gervihnattasjónvarpi, mini-bar og öryggishólfi. Svalir eða verönd fylgir hverju herbergi en greiða þarf sérstaklega fyrir garðsýni. 

AÐSTAÐA 

Mjög stór sundlaug með fossi og sér barnalaug er í glæsilegum garði hótelsins sem snýr út að stórbrotnu hafinu. Trébekkir með dýnum, handklæðum og sólhlífum eru til handa gestum. Á hótelinu er leiksvæði þar sem er barnagæsla fyrir börn þegar mikill fjöldi barna er á hótelinu. Fyrir framan hótelið, við göngustíg við sjóinn er fjöldi leiksvæða fyrir börn. Fallegar setustofur eru á hótelinu með rólegu andrúmslofti þar sem stundum er leikin píanótónlist. Hótelið hefur sérstakt klúbbhús fyrir gesti og að sjálfsögðu er gestamóttakan opin allan sólarhringinn. Á Villa Cortés er bæði tennisvöllur og heilsulind með tyrknesku baði, þar sem úrval dekurmeðferða er í boði ásamt líkamsrækt fyrir þá sem vilja halda sér í formi og hárgreiðslustofu. Hótelinu tilheyrir lítil strönd þar sem eitt af veitingahúsum hótelsins er.

AFÞREYING 

Reglulega er lifandi tónlist á hótelinu. Ótal afþreyingu er að finna á Tenerife og stutt frá hótelinu er hægt að fara i göngur, jeppaferðir, jet-ski, köfun ofl. 5 golfvellir eru nærri Villa Cortés. 

VEITINGASTAÐIR 

Val er um gistingu með morgunverð eða hálfu fæði. Veitingastaðir hótelsins bjóða frábært úrval lystisemda. Á hótelinu er einnig að finna ekta Bavarískt veitingahús, sælkerastaðinn Tiziano og Beach Club niður við ströndina. 

STAÐSETNING 

Hótelið er vel staðsett við litla strönd falleg útsýni yfir LA Gomera eyjuna, en jafnframt í göngufæri við iðandi mannlífið. 

AÐBÚNAÐUR Á VILLA CORTES 

Tvíbýli/svítur 

Morgunverður/hálft fæði 

Útisundlaug 

Barnalaug 

Trébekkir

Sólhlífar

Svalir/verönd 

Skrifborð 

Baðherbergi 

Sloppur

Gervihnattarsjónvarp 

Mini-bar 

Sími

Loftkæling

Tennisvöllur 

Heilsulind

Tyrkneskt bað 

Setustofur 

Lifandi tónlist 

Veitingastaðir 

Barir 

ATH
 
Ljósmyndir af gististöðum eru birtar til að gefa hugmynd um vistarverur og umhverfi gististaða. Við getum því ekki ábyrgst að engar breytingar hafi átt sér stað frá því að myndirnar voru teknar. 
 
Aðgangur að interneti getur verið hægari á álagstímum. 
 
Á þeim hótelum þar sem allt er innifalið getur verið að hótel takmarki heimsóknir til gesta sinna til þess að standa vörð um þjónustu sína. Þó taka hótel misjafnlega á þessu. Gott er því að hótelgestir ræði við starfsfólk áður en gestum er boðið í heimsókn til þess að fyrirbyggja óánægju og vandræði.
 
Skemmtidagskrá getur verið árstíðarbundin. 

Upplýsingar

Avenida Rafael Puig, 38660 Playa de las Americas, Tenerife, Spain

Kort