Krít: nýr staður!

Gríska eyjan Krít spennandi nýjung - flogið er til Chania 

Krít er stærst grísku eyjanna og þeirra syðst. Sólin skín flesta daga ársins en hægur andvari af hafi gerir loftslagið eitt hið besta í Evrópu. Landslagið er fjölbreytt, há fjöll með snævi þöktum toppum, frábærar strendur og eyðivíkur, iðandi borgarlíf og hæglátt þorpslíf, fjöruga bari og rólegar sveitakrár.

 

Það yndislega við Krít er að daglegt líf eyjaskeggja er nær ósnortið af ferðamönnum. Krítverjar eru stoltir af sínu og taka ferðamönnum opnum örmum um leið og þeir bjóða þér að njóta þess besta sem eyjan hefur upp á að bjóða. Á Krít er matur í hæsta gæðaflokki, ferskur fiskur og kjöt, grænmeti með hágæða ólifuolíu, gott vín og ostar sem bráðan í munni.

Flogið er til Chania. Chania er fyrrum höfuðstaður Krítar og  önnur stærsta borg eyjunnar. Gamli bæjarhlutinn innan borgarmúranna ber svip af Feneyjum og Tyrklandi með þröngum götum og byggingum frá fyrri öldum. Hjarta borgarinnar er gamla höfnin, umkringd líflegum og skemmtilegum börum þar sem er líf og fjör allan sólarhringinn, sérstaklega á sumrin.

Andrúmsloftið er heillandi og staðurinn laðar til sín bæði íbúa og erlenda ferðamenn. Upp frá höfninni hlykkjast götur með fjölda verslana þar sem seldir eru minjagripir, matur og vín, skartgripir og handunnir listmunir. Út með ströndinni er að finna óviðjafnanlega sjávarréttastaði sem heimamenn flykkast á þegar þeir vilja gera sér glaðan dag.

Við strandlengjuna milli Chania og Platanias er byggðin samfelld og þéttist litlum bæjarkjörnum meðfram ströndinni. Þar eru gullnar strendur, kristaltær sjór, nýtísku hótel og fjölskyldureknar íbúðagistingar. Hér er að finna fjölda veitingastaða, bara og verslana þar sem allir finna eitthvað við sitt hæfi. Stærstur þessa bæja er Platanias.

Gistingar á Krít

The Panorama Hotel í Chania er 5 stjörnu hótel, staðsett við Kato Galatas þorpið í úthverfi Chania og eru tvær af bestu ströndum svæðisins, 

Agia Marina og Kalamaki, Agioi Apostalaoi sitt hvoru megin við hótelið. Frá hótelinu er fallegt útsýni yfir Chania borgina.

Lesa meira

Myrion Beach Resort and Spa er nýtt og fallegt 5 stjörnu hótel nálægt Gerani ströndinni. Falleg heilsulind þar sem hægt er að njóta slökunar og vellíðan og björt og falleg herbergi skapa grunn að góðu fríi.

Lesa meira

Amalthia Beach hotel er aðlaðandi og nútímalegt 4 stjörnu hótel staðsett við Agia Marina ströndina. Björt og rúmgóð herbergi með helstu þægindum.

Í hótelgarðinum eru þrjár sundlaugar með afar fallegt útsýni yfir Miðjarðarhafið.

Lesa meira

Creta Palm er gott og snyrtilegt 4 stjörnu íbúðahótel staðsett í Kato Stalos, Chania. Upplagt fyrir þá sem vilja rólegt og heimilislegt umhverfi.

Næsta strönd er í 100 metra fjarlægð frá hótelinu.

Lesa meira

Airis Boutique & Suites er nýlegt 4 stjörnu hótel, aðeins fyrir 16 ára og eldri. Staðsett í Kato Daratso, 200 metra frá Yannis ströndinni og  í stuttri akstursfjarlægð frá feneysku borginni Chania.

 

Lesa meira

Althea Village Hotel er fallegt 4 stjörnu fjölskylduhótel, staðsett í Daratsos þorpinu sem er í 4 km. fjarlægð frá feneysku borginni Chania. 

Hótelið er með 155 herbergi sem eru ný eða nýuppgerð.

Lesa meira

Snyrtilegt 3ja stjörnu íbúðahótel með fallegum og vönduðum íbúðum og allar íbúðir hótelsins nema ein snúa að sundlaugargarðinum. Góður garður með sólbekkjum við laugina.

Úrval veitingastaða, matvöruverslana og smáverslana eru í næsta nágrenni.

Lesa meira

Hotel Marina Sands er þriggja stjörnu frábær valkostur fyrir ferðalanga sem eru í heimsókn í Agia Marina og býður upp á þægindi sem eru hönnuð til að bæta dvöl þína. Í göngufæri við hótelið er að finna veitingastaði og Tavernas.  Agia Marina ströndin  er í 1 mínútu göngufjarl&am

Lesa meira

Indigo Mare er gott 3ja stjörnu íbúðahótel, mjög vel staðsett við hina fallegu Platanias strönd. 

Gengið er beint úr sundlaugargarðinum á einkasvæði hótelsins við ströndina.

Lesa meira

Sunrise Village, 3ja stjörnu heimilislegt íbúðahótel staðsett í göngufæri við Agia Marina ströndina og Platanias ströndinni.

Torgið í Platanias er í 11 mínútna göngufæri þar finna má veitingahús, Tavernas og verslanir.

Lesa meira

Carisa Maleme er fallegt 3ja stjörnu, nýuppgert hótel með björt og falleg herbergi, staðsett í strand þorpinu Pirgos Psilinerou.

Hótelið í 3ja km fjarlægð frá miðbæ þorpsins Platanias og ca 2 km frá Gerani ströndinni og frá hótelinu að Maleme ströndinni, eru aðeins 250 metrar.  

Lesa meira

Omega Platanias hótelið er mjög fallegt  og vinalegt 3ja stjörnu hótel staðsett í Platanias. Stór og góð sundlaug og fallegur garður. Hótelið er staðsett um 100-200 metra frá aðalgötunni í Plantanias og um 300 metra frá strönd.

Lesa meira

Kiwi Apartments er 3ja stjörnu hlýleg og nýuppgerð íbúðagisting.. Góður kostur fyrir fjölskyldur og þá sem vilja slaka á í kyrrlátu umhverfi. Hótelið er staðsett í Kato Daratsos á  Agioi Apostoloi sem er meðal fallegustu svæða á Krít

Lesa meira

Zeus Village er hlýlegt og elegant hótel fyrir fullorðna, 18 ára og eldri, í  Kato Daratso, Krít.

Lesa meira