Meloneras

Hotel Costa Meloneras er einstaklega glæsilegt 4ra stjörnu hótel við sjávarsíðuna. Aðkoman að hótelinu er einkar glæsileg með gosbrunnum og pálmatrjám. Þetta hótel er sérstaklega hentugt fyrir þá ferðalanga sem vilja slaka vel á í fallegu umhverfi og njóta þess besta sem í boði er.

GISTING

Herbergin eru rúmgóð og þægileg, fallega innréttuð og eru búin öllum nútíma þægindum, t.d. loftkælingu, gervihnattasjónvarpi, smábar, þráðlausri internettengingu (gegn gjaldi), öryggishólfi og síma. Stórar svalir eða verönd með húsgögnum. Baðherbergin eru marmaraklædd með sturtu og baðkari, baðslopp og hárþurrku.

AÐSTAÐA

Við hótelið er glæsilegur og gróðursæll garður með bar og góðum sundlaugum. Sundlaugarnar eru fjórar, ein barnalaug ásamt notalegri gerviströnd. Auk þess eru þrír nuddpottar í sundlaugargarðinum. Í heilsulindinni Gran Spa Corallium eru í boði (gegn gjaldi) fjölbreyttar vellíðunar- og snyrtimeðferðir fyrir þá sem vilja láta dekra við sig. Meðal þess sem er í boði er nudd, fjölbreyttar vatnsmeðferðir, gufuböð og andlitsböð. Á hótelinu er auk þess snyrtistofa, hárgreiðslustofa, skartgripaverslun og snyrtivöruverslun.

AFÞREYING

Nokkrir skemmtilegir barir eru á hótelinu eins og píanóbar, Arenal og Laguna sundlaugarbarirnir, enskur pöbb, bjórbar, netkaffi og síðast en ekki síst, Brasserie barinn sem er með skemmtun á kvöldin með tónlist og dansi. Dagleg skemmtidagskrá fyrir alla fjölskylduna, líkamsrækt, tölvuver(gegn gjaldi), keilusalur, tennisvöllur(gegn gjaldi), mini-golf og leiktækjasalur. 

VEITINGAR

Nokkur veitingahús eru á hótelinu, þar sem hægt er að fá t.d. argentínskar steikur, ítalskan mat eða ferskan fisk.

FYRIR BÖRNIN

Barnaklúbbur með dagskrá fyrir 4-12 ára börn og sérstök barnalaug. Á kvöldin er svo hið fræga mini-diskó sem hefur skemmt fjölmörgu smáfólki í gegnum árin. 

STAÐSETNING

Hótelið er staðsett við sjávarsíðuna í Maspalomas / Meloneras aðeins örfáum metrum frá hinum þekktu sandhólum. 

AÐBÚNAÐUR Á HOTEL COSTA MELONERAS 

Útisundlaugar 

Barnalaug 

Gerviströnd

Sólbekkir 

Sundlaugabar 

Tennisvöllur 

Stutt í golfvöll

Líkamsrækt 

Heilsulind 

Gufubað

Nuddpottur 

Krakkaklúbbur

Skemmtidagskrá

Hlaðborðsveitingastaður 

Veitingastaður a la carte 

Snarlbar 

Sundlaugabar 

Þráðlaust internet(gegn gjaldi)

Sólarhringsmóttaka

Þvottahús 

Þrif 

Snyrtistofa 

Hárgreiðslustofa

ATH
Ljósmyndir af gististöðum eru birtar til að gefa hugmynd um vistarverur og umhverfi gististaða. Við getum því ekki ábyrgst að engar breytingar hafi átt sér stað frá því að myndirnar voru teknar. 
 
Aðgangur að interneti getur verið hægari á álagstímum. 
 
Skemmtidagskrá getur verið árstíðarbundin.

Upplýsingar

Mar Mediterraneo 1, 35100 Meloneras, Gran Canaria

Kort