Albír: vinalegur og fjölskylduvænn smábær
Albír er lítill, fallegur strandbær staðsettur steinsnar frá is og þys Benidorm. Albír er góður áfangastaður fyrir þá sem vilja koma endurnærðir og fullir af nýrri orku úr sólarfríinu. Hér getur fjölskyldan slakað á og notið þess besta sem spænsk menning hefur upp á að bjóða. Falleg strandlengjan tilvalin til þess að sóla sig á, sjórinn er tær og fallegur og börnin njóta sín í mildri sólinni. Á sumrin slá listamenn frá Altea upp skemmtilegum markaði á ströndinni við Albír.
COSTA BLANCA SVÆÐIÐ
- Albír
- Alicante
- Altea
- Benidorm
- Calpe
- Flogið til Alicante (ALC)
- Flugtími +/-4 klst.
- Akstur til Albír 45 mín.
- Tungumál: Spænska
- Gjaldmiðill: Evra
- Sumarhiti: 28+°C
- Vetrarhiti: 16+°C
- Milt og gott vor og haust
- Tími: +2 sumar +1 vetur
- Landkóði: +34
Spænskur draumur
Það má í raun segja að litlu, steinsteyptu göturnar og lágreist húsin séu í hróplegri mótsögn við stórhýsi Benidorm. Ströndin er einstaklega falleg sambanda af sandi og steinvölum sem hentar vel til bæði sól- og sjóbaða. Hún hefur líka fengið viðurkenningar fyrir að vera sérlega hrein og tær.
Fjölskyldan tekur ástfóstri við þennan ljúfa smábæ frá fyrsta degi enda er auðvelt að njóta lífsins í frið og ró fjarri þys stórborga. Góð kaffihús, girnilegur matur, líflegar krár og verslanir einkenna bæinn. Tilvalið er svo að taka sér dag eða tvo í borginni, eða kanna svæðið í kring. Fyrir þá atorkusömu er kjörið að ganga, skokka eða jafnvel renna sér á línuskautum á göngustígnum sem liggur meðfram ströndinni. Eins getur verið góð skemmtun að leigja bíl eða hjól og kanna svæðið í kringum bæinn.
Fjölbreytt skemmtun
Ekki er langt að sækja að komast í fjörið á Benidorm. Samgöngur á svæðinu eru góðar og frá Albir er einungis 25 mínútna akstur til gamla bæjarins í Benidorm. Á Benidorm er alltaf nóg við að vera, þar eru ótal skemmtigarðar, næturklúbbar og frábærir veitingastaðir.
Skemmtigarðar
Dýragarðinn Terra Natura ætti enginn að láta fram hjá sér fara, þar er að finna öll dýr frumskógarins. Munið bara eftir sólarvörninni, því á Albír er sól nær allan ársins hring. Heimsókn í sædýragarðinn Mundomar gleymir enginn. Garðurinn var stofnaður árið 1996 og er heimili yfir þrjátíu dýrategunda. Terra mitica er svo einn frægasti skemmtigarður heims. Garðurinn skiptist í ævintýraveraldir, hver með sitt þema. Þar er hægt að kynnast sögu Grikklands, Egyptalands, Rómar og fleiri menningarsvæða og fara í ótal skemmtileg tæki. Aqualandia er stór vatnsrennibrautargarður þar sem bæði krakkar og fullorðnir skemmta sér konunglega vatnsrennibrautum og sundlaugum. Þetta er einungis lítið brot af þeirri fjölbreyttu skemmtun sem er í boði á Costa Blanca svæðinu fyrir alla aldurshópa.
Stórbrotin náttúra
Mikið af fallegum gönguleiðum er í og kringum Albír fyrir þá atorkusömu. Sierra Helada svæðið er örstutt frá Albir, þar er stórbrotið útsýni, klettar, gróður og hafið stórt og óendanlegt. Gönguleiðirnar eru fjölbreyttar og leiða flestar að hinum víðfræga Albir-vita. Við mælum með því að göngugarpar taki með sér betri skónna og kanni þetta fallega svæði, nú eða fari í nestisferð með krakkana. Ekki gleyma myndavélinni, því útsýnið er vel þess virði að festa á filmu.
Töfrandi spænskir smábæir
Frá Albír er aðeins um 25 mínútna akstur inn í gamla bæinn á Benidorm. Einnig ganga strætisvagnar til Benidorm og Altea. Örstutt er frá Albír til Altea, sem stundum er kallaður bær listamannsins og er þekktur heillandi andrúmsloft og fyrsta flokks veitingahús. Líkt og Albír er Altea frábær áfangastaður fyrir fjölskyldur sem vilja eiga sér kyrrlátt athvarf í fríinu. Það er þó líka einstakt að eiga dagstund í Altea, ganga um fallegar, þröngar göturnar og smakka ekta tapas. Þar er líka starfræktur eini seglbrettaskóli svæðisins. Aðrir fallegir, litlir bæir og fjallaþorp eru staðsett stutt frá Albir og tilvalið er að nýta tímann og kanna.
Innifalið í verði: Flug, flugvallarskattar, farangur, gisting, íslensk fararstjórn og 24/7 þjónustusími.
Boðið uppá fjölbreyttar skoðunarferðir með fararstjóra. Akstur til og frá flugvelli er valkvæð þjónusta.
Gistingar á Costa Blanca svæðinu
Barcelo Asia Gardens hotel & SPA er glæsilegt 5* lúxushótel staðsett upp í furupríddum Sierra Cortina hlíðunum með stórkostlegu útsýni yfir Costa Blanca. Hótelið býður upp á fjöldann allan af sundlaugum, SPA með líkamsræktaraðstöðu, innilaug og heitum potti. 4 góðir veitingarstaðir eru á hótelinu.
Hótel SH Villa Gadea er snyrtileg og góð 5 stjörnu gisting staðsett rétt fyrir utan Altea. Falleg náttúra, útsýni og rólegheit einkenna þetta svæði og gistinguna sjálfa. Fallegt og vel hannað 5 stjörnu hótel í rólegu umhverfi. ATH að hótelið verður lokað frá 18. nóvember til 5. desember vegna viðhalds.
Gran Hótel Bali er 4ra stjörnu hótel á Costa Blanca ströndinni á Benidorm. Herbergin eru með tveimur stórum rúmum, auk sófa sem nýtist vel sem viðbótar gisting fyrir börn eða unglinga. Gran Hótel Bali leggur mikið upp úr afþreyingu fyrir alla aldurshópa.
Hotel Madeira Centro er gott 4ra stjörnu hótel staðsett á besta stað við gamla bæinn á Benidorm og í um 5 mínútur frá Levante ströndinni. Falleg og góð gisting í hjarta Benidorm. Öll herbergin eru snyrtileg og með loftkælingu, minibar og öryggishólfi.
Hótel Dynastic er gott 4ra stjörnu hótel staðsett u.þ.b. 500 metra frá Levante ströndinni á Rincón de Loix svæðinu. Fjöldi veitingahúsa, skemmtistaða og verslana eru í næsta nágrenni.
Hótel Melia Alicante er frábært 4ra stjörnu hótel og er það eitt vinsælasta hótelið á Alicante. Hótelið er staðsett úti á smábátabryggjunni með Postuguet ströndina í fanginu, smábátahöfnin er frábærlega staðsett alveg í miðborginni með fjölda veitinga- og kaffihúsa í næsta nágrenni.&
Hótel Palm Beach er gott 4ra stjörnu hótel staðsett við enda Levante strandarinnar í hæðinni fyrir ofan bæinn á Benidorm. Herbergin eru fallega innréttuð og ágætlega rúmgóð. Þau snúa öll út í garð. Gott baðherbergi, sími, sjónvarp, minibar og svalir. Öll herbergi eru loftkæld.
Gran Hótel Sol y Mar Gran Spa Beach Club er fallegt 4ra stjörnu hótel staðsett við ströndina í Calpe. Hótelið og herbergin eru hönnuð í nútímalegum stíl. Hótelið er eingöngu fyrir 18 ára og eldri.
Hótel Mediterraneo er mjög gott 4ra stjörnu hótel staðsett í 900 m fjarlægð frá Levante ströndinni. Glæsilegur garður með stórum sundlaugum og mjög góðri sólbaðsaðstöðu. Barnasundlaug og leikvöllur ásamt dagskrá fyrir hressa krakka.
Hótel Melia Benidorm er gott 4ra stjörnu hótel staðsett í Rincon de Loix svæðinu á Benidorm, um 900 metra frá Levante ströndinni. Vel útbúin herbergi sem öll snúa út að sundlaugargarðinum. Fjölbreytt skemmtidagskrá er á hótelinu og fjöldi veitingastaða, bara og verslana eru í næsta nágrenni.
Abba Centrum Alicante er gott 4ra stjörnu hótel í Alicante, hótelið er í göngufæri frá ströndinni og smábátahöfninni. Góð aðstaða til sólbaða og stutt í verslanir. Herbergin eru öll nýlega uppgerð og innréttuð í nýtískulegum stíl í ljósum litum.
Melia Villaitana er golfhótel staðsett 4 km frá Benidorm. Glæsilega aðstaða, tveir golfvellir sem henta kylfingum í öllum gæðaflokkum. Stærðarinnar sundlaug, góð sólbaðsaðstaða og allt til alls.
Hótel Medplaya Agir er ágætt 4ra stjörnu hótel vel staðsett um 100 m frá Levante ströndinni. Um 10 mín gangur er í gamla miðbæinn í Benidorm. Á hótelinu er heilsulind ásamt líkamsræktarsal. Hótelið er eingöngu fyrir 18 ára og eldri.
Flamingo Beach Resort er 4ja stjörnu gisting staðsett í 10 mínútna göngufjarlægð frá Levante ströndinni. Nóg um að vera og góður sundlaugagarður. Hótelið er eingöngu fyrir 16 ára og eldri.
Port Benidorm er mjög fínt 4ra stjörnu hótel á Benidorm. Á hótelinu er sundlaug og leiksvæði fyrir börn en stutt er í Levante ströndina. Rúmgóð tvíbýli með svölum. Fjölbreytt skemmtidagskrá fyrir alla fjölskylduna.
Hótel Avenida er snyrtilegt 4ra stjörnu hótel stutt frá Levante ströndinni. Fimm mínútna gangur niður á strönd en í garðinum má einnig finna útisundlaug og sólbekki.
Hótel Cap Negret er 4ra stjörnu hótel staðsett við ströndinna í um 800 metrum frá bænum Altea. Á hótelinu er útisundlaug, sólbaðsaðstaða og fallegt útsýni yfir ströndina er úr garðinum.
Hótel Benidorm Centre er 4ra stjörnu hótel staðsett í hjarta Benidorm og stutt í allt það helsta. Einungis 200 metrar á Levante ströndina. Hótelið er aðeins fyrir 18 ára og eldri. Nýuppgert árið 2018-2019
Flamingo Oasis er 4ra stjörnu hótel staðsett í 15 mínútna gangi frá Levante ströndinni á Benidorm. Hótelið er staðsett í nýrri hluta Benidorm og er stutt í alla þjónustu. Herbergin eru rúmgóð, snyrtileg og stílhrein.
Sunconfort Aqua Azul nýlega uppgert 4ra stjörnu hótel og eitt vinsælasta hótelið í Benidorm vegna staðsetningar og góðrar þjónustu. Hótelið er aðeins 400 metrum frá strönd og örstutt frá gamla bænum. Frábær valkostur og eingöngu fyrir fullorðna. Hótel er eingöngu fyrir 18 ára og eldri.
Flash Hótel er góð 4ra stjörnu gisting á besta stað á Benidorm í um 5 mínútna göngufjarlægð frá ströndinni og 15-20 mínútna ganga í gamla bæninn. Nútímaleg og vel útbúin herbergi eru á hótelinu. Þetta hótel er eingöngu fyrir 18 ára og eldri.
Hótel Los Alamos er góð 4ra stjörnu hótelgisting staðsett á frábærum stað á Benidorm. Stutt í gamla bæinn og á ströndina. Góð og snyrtileg herbergi eru á hótelinu, búin helstu þægindum eins og sjónvarpi, öryggishólfi og síma. Snyrtileg baðherbergi og svalir á öllum herbergjum.
Les Dunes Comodoro er 4ra stjörnu hótel staðsett á Levante ströndinni á Benidorm. Frá hótelinu er stutt í það allra helsta, t.d. bari og verslanir. Næsti golfvöllur er í um 10 min akstursfjarlægð.
Hótel Port Alicante er 4ra stjörnu hótel, staðsett um 600 m frá ströndinni og um 5 km frá miðbæ Alicante. Fín sólbaðsaðstaða, sundlaug, vel útbúin herbergi, veitingastaður og kaffihús eru á hótelinu.
El Plantio Golf Resort er vinsælt 4 stjörnu golfhótel staðsett í um 10 min fjarlægð frá Alicante flugvelli. Stutt í Benidorm, Albir og fleiri staði. Vel útbúnar íbúðir með tveimur svefnherbergjum, sólbaðsaðstöðu og veitingastað. Flottir golfvellir og æfingaaðstaða.
Nútímalegt 4 stjörnu hótel staðsett í vinsæla hverfinu Rincón de Loix, 300 metrum frá Levante ströndinni og um 750 metrum frá miðbæ Benidorm. Stílhrein herbergi, fín aðstaða sólbaðsaðstaða og veitingastaður. Hótelið er eingöngu fyrir 16 ára og eldri.
Milords Suites íbúðargistingin er einstaklega vel staðsett í hjarta gamla bæjarins á Benidorm. Íbúðargistingin er ein af örfáum gistingum sem nær að sameina óviðjafanlega stemmingu gamla bæjarhluta Benidorm og það að vera nánast á ströndinni.
Íbúðagistingin Amatista er á 16 hæðum, byggt árið 2004 og staðsett nálægt Cantal Roig ströndinni. Stutt er í miðbæ Calpe og Paseo Maritímo göngugötuna.
Hótel Oasis Plaza er vel staðsett 3ja stjörnu hótel í gamla bænum á Benidorm, rétt fyrir ofan Poniente ströndina í Marina Baja hverfinu um 350 m frá Ponienteströndinni. Á hótelinu er bar og veitingastaður. Sólbaðsaðstaða og sundlaug eru upp á þaki hótelsins ásamt barnalaug.
Íbúðagisting sem opnað var sumarið 2006. Íbúðirnar eru með einu eða tveimur svefnherbergjum. Íbúðagistingin er staðsett í u.þ.b. 200 metra fjarlægð frá ströndinni í Calpe.
Buenavista er einfalt 3ja stjörnu íbúðahótel á Levante ströndinni. Þarna er allt til alls án allra krúsídúlla. Sundlaugagarður og gufubað. Flestir ættu að finna eitthvað við sitt hæfi á Buena Vista.
Gala Palacida er einfalt, huggulegt og nýlega uppgert 3 stjörnu hótel rétt við Levante ströndina. Notalegur sundlaugagarður með ágætis sólbaðsaðstöðu. Á hótelinu er allt innifalið í mat og innlendum drykkjum.
Albir Garden Resort er nýlega uppgert að hluta til (Premium herbergin uppgerð ), með rúmgóðum og snyrtilegum íbúðum. Albir Garden Resort er staðsett í Albir og er 15-20 mínútna ganga niður á ströndina.
Stór garður, opin svæði, leiksvæði, sundlaugagarður, Spa, veitingastaður sem býður uppá hlaðborð með
Hótel Rosamar er 3ja stjörnu fjölskylduvænt hótel á Benidorm, staðsett í um 10 min göngufjarlægð frá ströndinni. Á hótelinu er ALLT INNIFALIÐ, vatnsrennibrautagarður í hótelgarðinum, rúmgóð herbergi og allt sem þarf til þess að gera fríið sem best.
Larimar er nýlegt 3ja stjörnu íbúðagisting, staðsett nærri smábátahöfninni og Ifach klettinum í Calpe. Íbúðirnar eru vel búnar og eru ýmist með einu eða tveimur svefnherbergjum. Þar er að finna góðar svalir með útsýni yfir smábátahöfnina, Ifach klettinn eða lónið sem er staðsett inni í bænum.
Sol Pelicanos er staðsett á fínum stað á Levante ströndinni í Rincon de Loix hverfinu aðeins 300 metra frá ströndinni.
Hótel Maya er gott 3ja stjörnu hótel staðsett stutt frá mörgum áhugaverðum stöðum svo sem Santa Barbara kastalanum, listasafni og Plaza Mar verslunarmiðstöðinni og um 750 metra frá ströndinni. Snyrtilegur sundlaugagarður og líkamsræktarstöð.
Prince Park er 3ja stjörnu hótel staðsett í um 800 metrum frá gamla bænum á Benidorm. Snyrtileg og björt herbergi og góður garður með sólbaðsaðstöðu og útisundlaug. Á hótelinu er veitingastaður með hlaðborð og bar.
Hótel Alone er tilvalinn áfangastaður til að njóta sólarinnar og strönd með maka, vinum eða fjölskyldu. Á hótelinu er sundlaug, veitingastaður, úrval skemmtunar og góð sólbaðsaðstaða.
Það er staðsett 500 metrum frá ströndinni og 2 km frá Benidorm.
Magic Robin Hood er 3ja stjörnu skemmtilegt og nýlegt fjölskylduhótel staðsett við gamla veginn á milli Benidorm og Albir. Vatnsrennibrautagarður og fjölskylduvænt hótel. Herbergin eru í litlum smáhýsum, notaleg og með skemmtilegum innréttingum, fallega hönnuð og rúmgóð. Allt svæðið er í ævintýrastíl.
Hótel Montesol er 3ja stjörnu gisting staðsett í hjarta gamla bæjarhlutans á Benidorm. Borgarhótel og enginn sundlaugargarður. Herbergin eru rúmgóð og snyrtileg og vel hönnuð. Falleg baðherbergi, sjónvarp og öryggishólf gegn gjaldi.
Hótel Helios Benidorm er 3ja stjörnu hótel staðsett um það bil 410 metrum frá Levante ströndinni og stutt frá lífinu á Benidorm. Hótelið var tekið í gegn 2017-2018 og eru herbergin einföld og rúmgóð. Hægt er að velja um hálft fæði eða fullt fæði.
Hótel Poseidon Resort er fínt 3ja stjörnu hótel staðsett rétt við Levante ströndina. Það er auðvelt að njóta sín hvort sem það er á ströndinni, í sundlaugunum tveimur sem eru í garðinum eða bara í garðinum sjálfum.
Benilux Park er 3ja stjörnu hótelgisting í gamla bænum á Benidorm og í um 5 min fjarlægð frá Poniente ströndinni. Fín fjölskyldugisting með góðri aðstöðu fyrir börnin.
Poseidon Playa er einföld 3ja stjörnu gisting sem er í göngufæri við ströndina. Öll herbergin snúa að Miðjarðarhafinu, svo hægt er að fara í sólbað á svölunum, við sundlaugina eða á ströndinni.
Á hótelinu er m.a. hlaðborðsveitingastaður, bar, skemmtidagskrá og barnaklúbbur.
Paraiso Centro er snyrtilegt, einfalt og mjög vel staðsett íbúðagisting stutt frá gamla bænum í Benidorm. Einfaldar, snyrtilegar og rúmgóðar íbúðir með einu eða tveimur svefnherbergjum, eldhúsi, baði, stofu og svölum sem snúa út í garð. Stutt er í alla þjónustu, t.d. matvörumarkaðinn Mercadona, banka og verslanir.
Amalia er einfalt 2ja stjörnu íbúðagisting um 350 metra frá Playa de Levante ströndinni. Lítill garður með sundlaug og bar er við gistinguna. Íbúðirnar eru nýtískulegar og bjartar með einu svefnherbergi, búnar eldhúsi með örbylgjuofni, helluborði og ísskáp.
Hótel Queens er 2ja stjörnu gisting í gamla bænum aðeins nokkrum mín frá Levante ströndinni. Herbergin eru stílhrein, engin sundlaug er á hótelinu en ströndin í aðeins 2 min fjarlægð. Hótelið er aðeins fyrir 16 ára og eldri.
Buenos Aires er 2ja stjörnu íbúðagisting á Benidorm staðsett í um 10 -15 min göngu fjarlægð frá Levante ströndinni. Fínn valkostur fyrir fjölskyldur, íbúðir með tveimur svefnherbergjum.
