Alicante: borg & sól
Alicante er á Costa Blanca ströndinni - flogið er til Alicante flugvallar.
Borgin Alicante er gullfalleg spænsk borg sem iðar af mannlífi. Borgin sem er staðsett í hjarta Costa Blanca héraðsins á Spáni er höfuðborg héraðsins og á sér langa og ríka sögu. Miðbærinn er töfrandi og í borginni ríkir mikil matar- og vínmenning sem endurspeglast í fjölda framúrskarandi veitingahúsa á svæðinu.
Borgin sameinar því bæði menningu og sólarfríið sem fjölskyldan þráir. Við hana liggur frábær sjö kílómetra löng strönd og eru hótelin okkar staðsett nálægt ströndinni. Það er því tilvalið að eyða deginum á sólbekk eða að ærslast á ströndinni og ráfa í iðandi mannlífinu í miðborginni þegar fer að kvölda.
COSTA BLANCA SVÆÐIÐ
- Albír
- Alicante
- Altea
- Benidorm
- Calpe
- Flogið til Alicante (ALC)
- Flugtími +/-4 klst.
- Akstur til Alicante 10 mín.
- Tungumál: Spænska
- Gjaldmiðill: Evra
- Sumarhiti: 28+°C
- Vetrarhiti: 16+°C
- Milt og gott vor og haust
- Tími: +2 sumar +1 vetur
- Landkóði: +34
Töfrandi menningarborg
Svæðið í kringum Alicante hefur verið í byggð í meira en 7000 ár. Sumar af elstu byggðunum eru í hlíðum Mount Benacantil fjallsins, sem gnæfir yfir borgina. Kastalinn Santa Barbara stendur í hlíðum fjallsins í 166 metra hæð, hann er upprunalega frá 8. öld og hefur verið vel við haldið. Kastalinn hefur verið opinn almenningi í rúm 50 ár og er það mikil upplifun að heimsækja hann. Þar er líka stórbrotið útsýni yfir borgina og Costa Blanca svæðið allt. Gamla bæinn í Alicante ætti enginn að láta framhjá sér fara en það má segja að sál borgarinnar sé einmitt að finna þar, í þröngum götum og litlum húsum. Götur gömlu borgarinnar taka svo stakkaskiptum þegar kvöldar og næturlífið lifnar við.
Í bænum er að finna fjölda áhugaverðra safna, sögulegar minjar, skemmtilega markaði að hætti innfæddra og heimsþekktar verslanir. Þar er líka hægt að skoða margar fallegar minjar frá tímum máranna. Dómkirkjan í Alicante, San Nicolas, er mjög falleg og virkilega þess virði að taka sér hlé frá sólbökun einn eftirmiðdag og leggja leið síðan þangað.
Seiðandi sólafrí á Alicante
Á Alicante er að finna einstaklega fallegar strendur þar sem fjölskyldan getur átt góðar stundir. Við strandlengjuna er að finna ótal spennandi bari og veitingastaði sem tilvalið er að sækja heim. Ramblan er göngugata með góðu úrvali verslana eins og El Corte Ingles, Zara, H&M okkar allra og fleiri góðar verslanar. Þar er líka að finna spennandi veitingastaði með gómsætum kræsingum frá öllum heimshornum. Við mælum sérstaklega með því að fólk láti ekki gómsætt tapas að hætti spánverja framhjá sér fara.
Tabarca eyjan
Stutt frá Alicante er Tabarca eyjan og þar er tilvalið að eyða degi eða eftirmiðdegi. Á eyjunni er lítill bær með litlum, lágreistum húsum. Eyjan býr yfir stórbrotinni náttúrufegurð og fallegri strönd þar sem tært hafið glitrar, svo er líka hægt að snorkla í aðgrunnu hafinu. Bátur til Tabarca eyjunnar fer frá höfninni í Alicante og kostar miðinn um 20 evrur.
Á Alicante er fjölbreytt úrval gististaða þannig allir ættu að finna eitthvað við sitt hæfi. Fjörug hótel með stórum sundlaugum hæfa kannski barnafjölskyldum betur á meðan pör með ung börn njóta sín betur við rólegan sundlaugarbakka eða nærri ströndinni.
Hér er áhugaverður vefur um allt það helsta sem er að gerast á Alicante : www.alicanteturismo.com
Gistingar á Costa Blanca svæðinu
Barcelo Asia Gardens hotel & SPA er glæsilegt 5* lúxushótel staðsett upp í furupríddum Sierra Cortina hlíðunum með stórkostlegu útsýni yfir Costa Blanca. Hótelið býður upp á fjöldann allan af sundlaugum, SPA með líkamsræktaraðstöðu, innilaug og heitum potti. 4 góðir veitingarstaðir eru á hótelinu.
Gran Hótel Bali er 4ra stjörnu hótel á Costa Blanca ströndinni á Benidorm. Herbergin eru með tveimur stórum rúmum, auk sófa sem nýtist vel sem viðbótar gisting fyrir börn eða unglinga. Gran Hótel Bali leggur mikið upp úr afþreyingu fyrir alla aldurshópa.
Hótel Kaktus er mjög gott 4ra stjörnu hótel. Hótelið var opnað í júní 2003 og er á besta stað í Albir, alveg á ströndinni með miðbæ Albir og listamannabæinn Altea í seilingarfjarlægð. Fallegur garður með sundlaug og sólbaðsaðstöðu. Á þaki hótelsins er einnig sundlaug og sólbaðsaðstaða.
Lesa meira
Gott 4ra stjörnu hótel í Albir ca 1 km frá fallegri ströndinni í Albir og aðeins nokkra kílómetra frá Benidorm og Altea. Glæsileg heilsulind og í gróðursælum garðinum er stór sundlaug og ljómandi aðstaða til sólbaða.
Hotel Madeira Centro er gott 4ra stjörnu hótel staðsett á besta stað við gamla bæinn á Benidorm og í um 5 mínútur frá Levante ströndinni. Falleg og góð gisting í hjarta Benidorm. Öll herbergin eru snyrtileg og með loftkælingu, minibar og öryggishólfi.
Hótel Melia Alicante er frábært 4ra stjörnu hótel og er það eitt vinsælasta hótelið á Alicante. Hótelið er staðsett úti á smábátabryggjunni með Postuguet ströndina í fanginu, smábátahöfnin er frábærlega staðsett alveg í miðborginni með fjölda veitinga- og kaffihúsa í næsta nágrenni.&
Hótel Palm Beach er gott 4ra stjörnu hótel staðsett við enda Levante strandarinnar í hæðinni fyrir ofan bæinn á Benidorm. Herbergin eru fallega innréttuð og ágætlega rúmgóð. Þau snúa öll út í garð. Gott baðherbergi, sími, sjónvarp, minibar og svalir. Öll herbergi eru loftkæld.
Gran Hótel Sol y Mar Gran Spa Beach Club er fallegt 4ra stjörnu hótel staðsett við ströndina í Calpe. Hótelið og herbergin eru hönnuð í nútímalegum stíl. Hótelið er eingöngu fyrir 18 ára og eldri.
Hótel Sun Palace Albir er gott 4ra stjörnu hótel staðsett u.þ.b. 1 km., frá ströndinni í Albir og rétt við Serra Celada þjóðgarðinn. Glæsilegt útsýni er frá hótelinu yfir bæinn og út á strönd. Flott heilsurækt er á hótelinu og sundlaug.
Hótel Mediterraneo er mjög gott 4ra stjörnu hótel staðsett í 900 m fjarlægð frá Levante ströndinni. Glæsilegur garður með stórum sundlaugum og mjög góðri sólbaðsaðstöðu. Barnasundlaug og leikvöllur ásamt dagskrá fyrir hressa krakka.
Hótel Melia Benidorm er gott 4ra stjörnu hótel staðsett í Rincon de Loix svæðinu á Benidorm, um 900 metra frá Levante ströndinni. Vel útbúin herbergi sem öll snúa út að sundlaugargarðinum. Fjölbreytt skemmtidagskrá er á hótelinu og fjöldi veitingastaða, bara og verslana eru í næsta nágrenni.
Hótel Medplaya Agir er ágætt 4ra stjörnu hótel vel staðsett um 100 m frá Levante ströndinni. Um 10 mín gangur er í gamla miðbæinn í Benidorm. Á hótelinu er heilsulind ásamt líkamsræktarsal. Hótelið er eingöngu fyrir 18 ára og eldri.
Flamingo Beach Resort er 4ja stjörnu gisting staðsett í 10 mínútna göngufjarlægð frá Levante ströndinni. Nóg um að vera og góður sundlaugagarður. Hótelið er eingöngu fyrir 16 ára og eldri.
Hótel Avenida er snyrtilegt 4ra stjörnu hótel stutt frá Levante ströndinni. Fimm mínútna gangur niður á strönd en í garðinum má einnig finna útisundlaug og sólbekki.
Medplaya Regente er gott 4ra stjörnu hótel miðsvæðis á Benidorm. Stutt er á Levante ströndina. Í garðinum er góð sundlaug og sólbaðsaðstaða fyrir gesti. Frábær kostur í sólinni á Benidorm.
Hótel Cap Negret er 4ra stjörnu hótel staðsett við ströndinna í um 800 metrum frá bænum Altea. Á hótelinu er útisundlaug, sólbaðsaðstaða og fallegt útsýni yfir ströndina er úr garðinum.
Hótel Benidorm Centre er 4ra stjörnu hótel staðsett í hjarta Benidorm og stutt í allt það helsta. Einungis 200 metrar á Levante ströndina. Hótelið er aðeins fyrir 18 ára og eldri. Nýuppgert árið 2018-2019
Flamingo Oasis er 4ra stjörnu hótel staðsett í 15 mínútna gangi frá Levante ströndinni á Benidorm. Hótelið er staðsett í nýrri hluta Benidorm og er stutt í alla þjónustu. Herbergin eru rúmgóð, snyrtileg og stílhrein.
Sunconfort Aqua Azul nýlega uppgert 4ra stjörnu hótel og eitt vinsælasta hótelið í Benidorm vegna staðsetningar og góðrar þjónustu. Hótelið er aðeins 400 metrum frá strönd og örstutt frá gamla bænum. Frábær valkostur og eingöngu fyrir fullorðna. Hótel er eingöngu fyrir 16 ára og eldri.
Flash Hótel er góð 4ra stjörnu gisting á besta stað á Benidorm í um 5 mínútna göngufjarlægð frá ströndinni og 15-20 mínútna ganga í gamla bæninn. Nútímaleg og vel útbúin herbergi eru á hótelinu. Þetta hótel er eingöngu fyrir 18 ára og eldri.
Hótel Helios Benidorm er 3ja stjörnu hótel staðsett um það bil 410 metrum frá Levante ströndinni og stutt frá lífinu á Benidorm. Hótelið var tekið í gegn 2017-2018 og eru herbergin einföld og rúmgóð. Hægt er að velja um hálft fæði eða fullt fæði.
Hótel Los Alamos er góð 4ra stjörnu hótelgisting staðsett á frábærum stað á Benidorm. Stutt í gamla bæinn og á ströndina. Góð og snyrtileg herbergi eru á hótelinu, búin helstu þægindum eins og sjónvarpi, öryggishólfi og síma. Snyrtileg baðherbergi og svalir á öllum herbergjum.
Suitopia Sol Y Mar Suites er fínt 4* hótel í Calpe. Hótelið er staðsett á miðjusvæði Calpe og örstutt á ströndina. Gott fjölskylduhótel með leiksvæði fyrir börnin.
Les Dunes Comodoro er 4ra stjörnu hótel staðsett á Levante ströndinni á Benidorm. Frá hótelinu er stutt í það allra helsta, t.d. bari og verslanir. Næsti golfvöllur er í um 10 min akstursfjarlægð.
Hótel Port Alicante er 4ra stjörnu hótel, staðsett um 600 m frá ströndinni og um 5 km frá miðbæ Alicante. Fín sólbaðsaðstaða, sundlaug, vel útbúin herbergi, veitingastaður og kaffihús eru á hótelinu.
El Plantio Golf Resort er vinsælt 4 stjörnu golfhótel staðsett í um 10 min fjarlægð frá Alicante flugvelli. Stutt í Benidorm, Albir og fleiri staði. Vel útbúnar íbúðir með tveimur svefnherbergjum. Sundlaugar, sólbaðsaðstaða og veitingastaður. Flottir golfvellir og æfingaaðstaða.
Nútímalegt 4 stjörnu hótel staðsett í vinsæla hverfinu Rincón de Loix, 300 metrum frá Levante ströndinni og um 750 metrum frá miðbæ Benidorm. Stílhrein herbergi, fín aðstaða sólbaðsaðstaða og veitingastaður. Hótelið er eingöngu fyrir 16 ára og eldri.
H10 Porto Poniente er nýlegt og afar fallegt 4 stjörnu hótel vel staðsett við Poniente ströndina. Á hótelinu eru 2 sundlaugar með glæsilegt útsýni yfir hafið, heilsulind og líkamsræktar aðstaða
Casa Alberola Alicante Curio Collection by Hilton er 4 stjörnu hótel, mjög vel staðsett, nálægt smábátahöfninni í Alicante og Eslandade of Spain og Canalejas Park. Santa Barbara kastalinn í 2ja km fjarlægð
Mercure Benidorm er staðsett rétt við Poniente ströndina. Hótelið var tekið í gegn og opnaði aftur í júní 2022.
Milords Suites íbúðargistingin er einstaklega vel staðsett í hjarta gamla bæjarins á Benidorm. Íbúðargistingin er ein af örfáum gistingum sem nær að sameina óviðjafanlega stemmingu gamla bæjarhluta Benidorm og það að vera nánast á ströndinni.
Hótel Oasis Plaza er vel staðsett 3ja stjörnu hótel í gamla bænum á Benidorm, rétt fyrir ofan Poniente ströndina í Marina Baja hverfinu um 350 m frá Ponienteströndinni. Á hótelinu er bar og veitingastaður.
Gala Palacida er einfalt, huggulegt og nýlega uppgert 3 stjörnu hótel rétt við Levante ströndina. Notalegur sundlaugagarður með ágætis sólbaðsaðstöðu.
Hótel Dynastic er gott 3ja stjörnu hótel staðsett u.þ.b. 500 metra frá Levante ströndinni á Rincón de Loix svæðinu. Fjöldi veitingahúsa, skemmtistaða og verslana eru í næsta nágrenni.
Albir Garden Resort er staðsett á fallegu svæði í miðbæ Albír. Aqua garden Park sundlaugargarðurinn er rétt hjá hótelinu og frír aðgangur fyrir hótelgesti.
Sol Pelicanos er staðsett á fínum stað á Levante ströndinni í Rincon de Loix hverfinu aðeins 300 metra frá ströndinni.
Hótel Maya er gott 3ja stjörnu hótel staðsett stutt frá mörgum áhugaverðum stöðum svo sem Santa Barbara kastalanum, listasafni og Plaza Mar verslunarmiðstöðinni og um 750 metra frá ströndinni. Snyrtilegur sundlaugagarður og líkamsræktarstöð.
Prince Park er 3ja stjörnu hótel staðsett í um 800 metrum frá gamla bænum á Benidorm. Snyrtileg og björt herbergi og góður garður með sólbaðsaðstöðu og útisundlaug. Á hótelinu er veitingastaður með hlaðborð og bar.
Hótel Alone er tilvalinn áfangastaður til að njóta sólarinnar og strönd með maka, vinum eða fjölskyldu. Á hótelinu er sundlaug, veitingastaður, úrval skemmtunar og góð sólbaðsaðstaða.
Það er staðsett 500 metra frá ströndinni og 2 km frá Benidorm.
Hótel Poseidon Resort er prýðilegt 3ja stjörnu hótel staðsett rétt við Levante ströndina. Það er auðvelt að njóta sín hvort sem það er á ströndinni, í sundlaugunum tveimur sem eru í garðinum eða bara í garðinum sjálfum.
Poseidon Playa er einföld 3ja stjörnu gisting sem er í göngufæri við ströndina. Öll herbergin snúa að Miðjarðarhafinu, svo hægt er að fara í sólbað á svölunum, við sundlaugina eða á ströndinni.
Á hótelinu er m.a. hlaðborðsveitingastaður, bar, skemmtidagskrá og barnaklúbbur.
Hotel Primavera Park er 3 stjörnu hótel staðsett á Benidorm, Spáni. Hótelið er staðsett í aðeins 450 m fjarlægð frá Levante ströndinni. 2 sundlaugar og góð sólbaðsaðstaða bjóða gesti velkomna til að njóta slökunar og veðurs á Benidorm.
Apartmentos Halley er gott íbúðahótel staðsett á Benidorm. Hótelið er 17 hæðir og eru 4 íbúðir á hverri hæð, 2 lyftur. Garður er fyrir framan húsið með 2 sundlaugum og sólbaðsaðstöðu.
Amalia er 2ja stjörnu íbúðagisting staðsett um 350 metra frá Playa de Levante ströndinni. Lítill garður með sundlaug og bar er við gistinguna. Íbúðirnar eru nýtískulegar og bjartar með einu svefnherbergi, búnar eldhúsi með örbylgjuofni, helluborði og ísskáp.
Buenos Aires er 2ja stjörnu íbúðagisting á Benidorm staðsett í um 10 -15 min göngu fjarlægð frá Levante ströndinni. Fínn valkostur fyrir fjölskyldur, íbúðir með tveimur svefnherbergjum.
Maryciel er gott 2 stjörnu íbúðarhótel staðsett á Benidorm. Hótelið er vel staðsett og situr í aðeins 250 m frá Levante strönd. Sundlaug og góð sólbaðsaðstaða eru á gististaðnum fyrir gesti.
