Buenos Aires er 2ja stjörnu íbúðagisting á Benidorm staðsett í um 10-15 min göngu fjarlægð frá ströndinni. Fínn valkostur fyrir fjölskyldur, íbúðir með tveimur svefnherbergjum. Hafa ber í huga að rúta kemst ekki að gististaðnum þar sem gististaðurinn er í brattri brekku og stórar rútur komast ekki að gististaðnum. Ef farþegar taka rútu frá flugvelli með fararstjóra þá þarf að setja farþega út við nærliggjandi gististað og þaðan verða farþegar að taka leigubíl á Buenos Aires. Gestir þurfa að yfirgefa íbúðirnar kl. 10:00 á brottfarardag. Ath greiða þarf Deposit 200 EUR við innritun á hóteli.
GISTING
Íbúðirnar eru einfaldar með svölum. Í íbúðunum er eldhús, baðherbergi, lítil stofa og tvö svefnherbergi. Ýmislegt er til staðar í íbúðinni s.s. ísskápur, örbylgjuofn, þvottavél, ristavél, kaffivél og helluborð. Í stofunni er svefnsófi og sjónvarp.
AÐSTAÐA
Hægt er að njóta sólarinnar í sundlauginni á gististaðnum eða liggja á bekkjunum við laugina. Stutt labb í matvörubúðir og aðrar búðir, bendum á að það er brött brekka sem þarf að ganga til að komast í allar áttir og að gististaðnum.
AFÞREYING
Stutt er í alla afþreyingu en mikið líf er á Benidorm og því auðvelt að finna eitthvað við sitt hæfi. Terra Mitica er í 10 km fjarlægð og vatnsrennibrautagarðurinn Aqualandia er í um 5 km fjarlægð.
VEITINGAR
Enginn veitingastaður er á gististaðnum en sjálfsalar með drykkjum og snarli eru til staðar.
STAÐSETNING
Gististaðurinn er staðsettur stutt frá Levante ströndinni og stutt í alla afþreyingu.
Boðið er uppá akstur milli Alicante flugvallar og gististaða á Benidorm, Albir, Altea og Calpe á öllum flugdögum yfir sumartímann. Ef ekki fæst næg þátttaka áskiljum við okkur rétt á því að fella aksturinn niður. Farþegar verða látnir vita með nokkra daga fyrirvara ef um slíkt er að ræða.
- Lykil fyrir íbúð þarf að sækja milli kl. 16.00 - 19.00 tel: +34 966 88 92 90
Upplýsingar
Calle Alcalde Manuel Catalán Chana, 15, 03503 Benidorm, Alicante, Spánn
Kort
