Playa de Palma

Iberostar Cristina, áður Royal Cristina, er fallegt 4ra stjörnu hótel sem uppgert var að miklu leiti árið 2015. Þar sem hótelið er staðsett í hjarta Playa de Palma er stutt í alla þjónustu, ekta spænska veitingastaði og verslanir. Ljómandi fallegur sundlaugargarður er á hótelinu og herbergin björt og falleg. Val um morgunverð, hálft fæði eða allt innifalið. Fullkomið hótel fyrir fjölskyldur, pör eða vini sem vilja stinga af og njóta lífsins á þessari perlu Miðjarðarhafsins. 

GISTING

Herbergin eru björt og fallega innréttuð með loftkælingu, fallegum svölum eða verönd, sjónvarpi, síma og öryggishólfi. Baðherbergin eru snyrtileg með sturtu eða baðkari og hárþurrku. Loftræsting er á öllum herbergjum. Á hótelinu er frítt, hágæða internet. 

AÐSTAÐA

Stór og falleg sundlaug, barnalaug og leiksvæði fyrir litla fólkið í garðinum. Hótelið útvegar gestum handklæði í garðinum gegn tryggingu. Heilsulind hótelsins nefnist Thai Zen Space og er undir sterkum áhrifum frá Tælandi, Indónesíu og Indlandi. Markmið heilsulindarinnar er að gestir nái fullkominni afslöppun á sál og líkama. Í boði er fjölbreytt úrval meðferða svo sem andlitssnyrting, ilmböð og ilmgufuböð. Tveir tennisvellir eru á hótelinu. Fyrir þá sem vilja halda sér í formi í fríinu þá er vel útbúin líkamsrækt á hótelinu. Ókeypis bílastæði eru rétt hjá hótelinu. 

AFÞREYING 

Fjölbreytt skemmtidagskrá á hótelinu skapar stemningu fyrir alla fjölskylduna. Frá hótelinu eru liggja margar fallegar gönguleiðir fyrir göngugarpa sem geta einnig verið frábærar fyrir hjólreiðafólk. Bæði hjólaleiga og hjólaviðgerð er á hótelinu, sem gerir það einnig sérstakt hótel fyrir hjólreiðafólk á farandsfæti. 

VEITINGASTAÐIR

Á hótelinu er veitingastaður með hlaðborð sem sérhæfir sig í fjölbreyttri, alþjóðlegri matseld. Val um morgunverð, hálft fæði eða allt innifalið. 

FYRIR BÖRNIN 

Á hótelinu er barnaklúbbur þar sem gestir á aldrinum 4-12 ára geta skemmt sér í skemmtilegu leikherbergi, kynnst öðrum börnum og tekið þátt í fjölbreyttri dagskrá. 

STAÐSETNING 

Iberostar Cristina er vel staðsett um 100 m frá Playa de Palma ströndinni á Mallorca 

AÐBÚNAÐUR Á IBEROSTAR CRISTINA 

Lyfta 

Útisundlaug 

Barnalaug 

Morgunmatur/hálft fæði/fullt fæði 

Svalir/verönd 

Hárþurrka

Frítt internet  

Handklæði á sundlaugarbakkanum

Glæsileg heilsulind 

Ókeypis bílastæði 

Tveir tennisvellir

Líkamsrækt

Skemmtidagskrá 

Barnaklúbbur 

Hjólaleiga

Hjólaviðgerð

Veitingastaður

Golfvöllur(3 km frá) 

Öryggishólf

Loftkæling

ATH
Ljósmyndir af gististöðum eru birtar til að gefa hugmynd um vistarverur og umhverfi gististaða. Við getum því ekki ábyrgst að engar breytingar hafi átt sér stað frá því að myndirnar voru teknar. 
 
Aðgangur að interneti getur verið hægari á álagstímum. 
 
Á þeim hótelum þar sem allt er innifalið getur verið að hótel takmarki heimsóknir til gesta sinna til þess að standa vörð um þjónustu sína. Þó taka hótel misjafnlega á þessu. Gott er því að hótelgestir ræði við starfsfólk áður en gestum er boðið í heimsókn til þess að fyrirbyggja óánægju og vandræði.
 
Skemmtidagskrá getur verið árstíðarbundin. 
 
Ferðamenn á Mallorca greiða gistiskatt sem ekki er hluti af verði okkar og er innheimtur við innritun af hótelinu sjálfu. Hann er reiknaður á mann fyrir hverja nótt á gististaðnum. Upphæðin er breytileg eftir opinberri stjörnugjöf gististaðana.

Upplýsingar

C/Arenas de Bilbao s/n Playa de Palma Mallorca

Kort