Golf del Sur

Hótel Aguamarina er góð 4 stjörnu hótelgisting, staðsett á syðsta hluta Tenerife í bænum Golf del sur. Hótelið er staðsett alveg við sjávarsíðuna og Amarillo höfnina. Herbergin eru rúmgóð og vel útbúin en leigja þarf öryggishólf og ísskáp gegn gjaldi.

 
Fínn sundlaugagarður er við hótelið og einnig tennisvöllur, pool borð, líkamsrækt og barir.
 
Við hótelið er þónokkurt úrval veitingastaða og kaffihúsa en San Blas hverfið er svo í um 10 mínútna gangi frá hótelinu, en þar er að finna verslanir og frábæra veitingastaði. 
 
Næsti bær við er svo Los Abrigos, sem er þekktur fyrir skemmtilegt svæði við höfnina og státar af einum bestu veitingstöðum eyjunnar, en hægt er að ganga meðfram sjávarsíðunni út að þeim bæ.
 
Í Golf del sur er svo að finna 2 glæsilega golfvell og getur hótelið séð um að panta rástíma fyrir gesti Aguamarina Golf Hotel.
 
Playa de las Americas er svo í um 20-30 mínútna strætóferð frá Golf del sur en einnig er hægt að taka leigubíl þangað og tekur þá ferðin aðeins um 15 mínútur.

Upplýsingar

Avenida del Atlántico, 11 San Miguel de Abona. 38620 Tenerife, España - Spain

Kort