Hotel Cordial Mogán Playa er glæsilegt 4ra stjörnu hótel, með fallegum garði, útisundlaug og sólbekkjum, í hjarta Puerto de Mogán. Puerto de Mogán, einnig þekkt undir nafninu litlu Feneyjar, er lítill bær í 25 mínútna fjarlægð frá Ensku ströndinni. Bærinn, sem er þekktur fyrir besta veðrið á Kanaríeyjum, er byggður upp út frá höfninni sem er umkringd litlum litríkum húsum sem eru ekki hærri en þriggja hæða, með fallegum görðum með miklu blómalífi. Fallegur garður með útisundlaug og sólbekkjum. Að okkar mati er þetta eitt besta hótel á suðurvesturhluta eyjunnar. Athugið að rútuferðir á þetta hótel til og frá flugvelli eru ekki í boði. Athugið að framkvæmdir standa yfir á lóðinni við hliðina á hótelinu og gæti það valdið ónæði yfir daginn en ekki á kvöldin eða næturnar.
GISTING
Rúmgóð, hlýleg herbergi með svölum eða verönd, vel búin með sjónvarpi, síma, öryggishólfi(gegn gjaldi) og skrifborði. Baðherbergi með baðkari eða sturtu og hárþurrku. Frítt, þráðlaust internet.
Einnig er hægt að velja Junior svítu sem er stærri og með aðskildu svefnrými og stofu.
AÐSTAÐA
Mjög fallegur garður, sem er í raun heill heimur út af fyrir sig, með tveimur sundlaugum sem eru upphitaðar yfir vetrarmánuðina. Gerviströnd er í miðjum garðinum þar sem gestir geta sólað sig umkringdir hitabeltisgróðri, undir glerþaki á nokkrum hæðum,og þar sem hægt er að fá sér kaffi, drykki og snarl. Á hótelinu er líkamsrækt sem gestir geta sótt, sér að kostnaðarlausu. Heilsulind er á hótelinu þar sem hægt er að fara í nudd eða hinar ýmsu meðferðir(gegn gjaldi). Frítt internet á öllu hótelinu.
AFÞREYING
Gestir geta spilað tennis á tennisvelli hótelsins(gegn gjaldi).
VEITINGAR
Á hótelinu eru tveir veitingastaðir, annar er hlaðborðsveitingastaður sem framreiðir morgun- og kvöldverð en hinn veitingastaðurinn er "Los Guyares" og hefur hann hlotið Michelin stjörnu, en pannta þarf borð þar fyrirfram. Einnig snarlbar og bar á staðnum.
FYRIR BÖRNIN
Gott hótel fyrir smáfólkið. Í garðinum er barnalaug, leikvöllur og á inni fyrir er leikjaherbergi. Krakkaklúbbur er starfandi fyrir 4-12 ára.
STAÐSETNING
Cordial Mogán Playa er staðsett í hjarta litríka smábæjarins Puerto de Mogán, einungis 5-10 mínútur frá ströndinni og höfninni. Hafnarsvæðið er mjög skemmtilegt svæði þar sem ótal veitingahúsa og kaffihúsa er að finna þar sem hægt er að snæða með dásamlegt útsýni yfir smábátahöfnina og hafið. Við hliðina á höfninni er lítil strönd þar sem tilvalið er að leigja sólbekki og eyða góðum tíma á ströndinni.
Puerto de Mogán er mjög fallegur strandbær á suð-vestur hluta eyjunnar. Þetta svæði einkennist af rólegu en mjög fallegu umhverfi og er frábært fyrir fólk sem er að leita sér að hvíld og fögru umhverfi við höfnina. Hér er bara slökun og að njóta lífsins. Góð strönd er við Puerto de Mogán með veitingastöðum og verslunum.
AÐBÚNAÐUR Á CORDIAL MOGÁN PLAYA
Veitingastaðir
Útisundlaug
Barnalaug
Gerviströnd
Sólbekkir
Handklæði
Leikvöllur
Barnaklúbbur
Skemmtidagskrá
Frítt internet
Leikjaherbergi
Tennisvöllur
Hjólaleiga
Heilsulind
Innilaug
Nuddpottur
Hamam(gufubað)
Nudd
Fótabað
Sólarhringsmóttaka
Herbergisþrif
ATH
Upplýsingar
Avda. de los Marrero, 2, 35138 Playa de Mogán, Gran Canaria Spain
Kort
