Albufeira Portúgal, menning, sól og sandur

Í Portúgal mætast gamli og nýi tíminn og mynda heillandi veröld. Það er eitthvað ósnortið við Portúgal, landið og þjóðina sem þar býr – eitthvað sem erfitt er að útskýra eða festa hendur á. Portúgal er land andstæðna sem býr yfir óendanlegum tilbrigðum lífs og listar. Það er land skuggsælla skóga, öldusorfinna kletta, sólgylltra stranda og hvítkalkaðra húsa. Land þar sem virðulegir kastalar, þöglar kirkjur og syngjandi vindmyllur standa eins og þær hafi orðið viðskila við nútímann.

Þær eru ekki margar sólarstrendurnar í Suður-Evrópu þar sem sólþyrstir íbúar norðurálfu geta flatmagað innan um geðþekka trillukarla sem dytta að netum sínum og bátum.

Ofan við ströndina blasir við töfrandi ævintýramynd þar sem hvítkalkaðar byggingar, sumar með márísku yfirbragði, tylla sér á klettasyllur meðfram tæru Atlantshafi. Í sólarhéraðinu Algarve er einnig ósnortin náttúra og heillandi menning og hvarvetna mætir ferðamönnum portúgölsk hlýja og gestrisni.

Algarve er best fyrir:

Milt og gott vor og haust
Jákvæðir heimamenn
Fallegar strendur
Fjölskylduvænt umhverfi

Golf
Markaðir
Fjölbreyttar göngu– og hjólaleiðir
Slide & splash skemmtigarðurinn
Aqualand Zoo
Marine Aqua Show Park
Flogið í beinu flugi til Faro

Flugtími U.þ.b. 4 klst.
Akstur frá flugvelli til Albufeira 40 mínútur
Tungumál Portúgalska
Gjaldmiðill Evra
Hiti Sumar 26°
Tími Sumar +1 klst.

ALBUFEIRA

Þessi gamli fiskimannabær, er orðinn einn af þekktari ferðamannastöðum í Algarve héraði og ekki að ástæðulausu. Þar sem áður fyrr var lítill og snotur bær þar sem sjómenn réru til fiskjar og dyttuðu að netum sínum, hefur vaxið upp nútímalegur og líflegur ferðamannabær.

Í bænum eru tveir kjarnar, annars vegar gamli bærinn við fiskimannaströndina og hins vegar „Laugavegurinn”

Gamli bærinn er sjarmerandi, státar af kirkjum bæjarins og öllum elstu byggingunum. Bæjartorgið iðar af mannlífi með úrvali af veitingastöðum, kaffihúsum og börum. Í hinum þröngu götum út frá torginu má finna margar skemmtilegar sérverslanir sem taka vel á móti ferðamönnum. Á sumrin koma hljómsveitir og látbragðsleikarar, sem troða upp gestum og gangandi til skemmtunar.

Í hinum enda bæjarins er „Laugavegurinn“ Þar standa í röðum veitingastaðir, ísbúðir, kaffihús, og verslanir af öllu hugsanlegu tagi. Neðst við Laugaveginn, næsta Oura ströndinni eru diskóbarirnir með miklu fjöri, stundum langt fram á nótt.

Næturlífið á Laugaveginum er rífandi skemmtilegt og allir ættu að finna eitthvað við sitt hæfi

FJÖLBREYTT ÚRVAL GISTISTAÐA

Fjölbreytt úrval gistimöguleika er að finna í Albufeira. Í boði eru góðar íbúðagistingar og glæsileg hótel. Hægt er að velja um þriggja, fjögurra eða fimm stjörnu gistingar sem og hversu mikið fæði fólk kýs að hafa innifalið. Hægt er að velja um morgunmat, hálft fæði (morgun- og kvöldmatur), fullt fæði (morgun, hádegis- og kvöldmatur), allt innifalið (morgun-, hádegis og kvöldmatur, snarl milli mála og drykkir innifaldir í verði) og svo er að sjálfsögðu hægt að sleppa öllu fæði með gistingu.

Hótel á Algarve

Hótel Pine Cliff Luxury Collection er glæsilegt 5 stjörnu íbúðahótel við Algarve ströndina. Hótelið tilheyrir Marriott hótelkeðjunni og

var áður þekkt sem Sheraton Algarve.

Albufeira Portúgal, menning, sól og sandur

ALBUFEIRA

Hótel á Algarve

Hotel Adriana er gott 4 stjörnu hótel með fallegan garð, 4 sundlaugar, þar af 2 fyrir börn, sólbekki og sólhlífar og heilsulind. Hótelið er aðeins 300 metra frá Falesia ströndinni.

Sumarferðir

Fylgdu okkur

Ýmislegt